name nuştin ablîs ’ilye alli’inة bih wizîr û sirdar
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
706 views
tełeb kerd weber wezîr finûn
awerd be teqdîr mufsîdey efsûn
nwîsa name xîtab be wezîr:
ey ex erşed danay diłpezêr
herçende ḧîkmet amozî luqman
terk edeben celay ’arfan
emma çun sînnim ce to zyaden
er goş key pendim şîmey emcaden
herçî hen ce ’îlim zat ekberen
nêk û bed ce ḧukim qeza û qederen
se’îd û şeqî ce betin mader
«cifّ alqilimArabic» en ce her xeyr û şeř
hem darûn espab perê mudde’a
ce ayey qedîm ḧeq kerden eda
sebit bî ’îsyanim ce lewḧ qîdem
xelq kerd espabiş ne sucdey adem
ce ezel sebit bî îẍway «bwalbişirArabic»
xelq bî espabiş be ekil şecer
pey êd weytewre tertîb da meqsûd
ta esmay sîfat beyo be wicûd
be kirdey guna meyo be zuhûr
esmay ḧelîmî û settarî û ẍefûr
řeḧman û řeḧîm, hem ’efu û ře’ûf
mebo be sîfat wêşan ban mewsûf
er nebo tesdî’ darûn řîwayet
şemmê ce eḧwał wêm kem ḧîkayet