راهی شدن عشق مجازی بە سپهسالاری

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 1 خولەک  601 بینین
بە ئەمر سوڵتان سوپا بێ سوار
مەحمەل بین ستوور، جەمەل بە قەتار
دەبدەبەی دەهۆڵ زەنگ و کەڕەنا
لەرزە دا نە جەرگ زەمین و سەما
تەی کەردن مەنزل سوپای بێ تەقسیر
بە وەعدەی یەک ماهـ یاوان بە وەزیر
وەزیر جە سوپا پێش یاوا ئەحواڵ
سوار بی دەردەم کەردش ئیستیقباڵ
وەزیر و سەردار نەزدیک بین بە هەم
پیا بین جە ئەسپ خەندان و خوڕڕەم
دەست دان بە گەردەن، بە یەک دان سەلام
هەردوو جە ئەحواڵ وێشان دان پەیام
هەردوو سوار بین ڕاهی بین نە ڕا
وەزیر جە ئەحواڵ پادشا پەرسا
سەردار جە سیححەت سوڵتان دا پەیام
هەم لوتف سوڵتان بە تۆش دان سەلام