rahî şidin ’işq micazî be siphisalarî
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
1 Xulek
639 Dîtin
be emir sułtan supa bê swar
meḧmel bîn sitûr, cemel be qetar
debdebey dehoł zeng û keřena
lerze da ne cerg zemîn û sema
tey kerdin menzil supay bê teqsîr
be we’dey yek mah yawan be wezîr
wezîr ce supa pêş yawa eḧwał
swar bî derdem kerdiş îstîqbał
wezîr û serdar nezdîk bîn be hem
pya bîn ce esp xendan û xuřřem
dest dan be gerden, be yek dan selam
herdû ce eḧwał wêşan dan peyam
herdû swar bîn řahî bîn ne řa
wezîr ce eḧwał padşa persa
serdar ce sîḧḧet sułtan da peyam
hem lutif sułtan be toş dan selam