«تانەی لاس لە مامە ڕەش لەمەڕ گریانی»
لە کتێبی:
لاس و خەزاڵ (فیدایی)
بەرهەمی:
مەلا کەریم فیدایی (1928-1993)
1 خولەک
470 بینین
ئەو لاسە گوتی لە بۆ دەکەی شین؟
بۆ مەرگ لە ئێوە نەنگە ناڵین
پیاو ئەو هەیە ڕوو بکا لە مەرگی
خوێناوی غەم ئەو نەخاتە جەرگی
ئەو مردنە وەرگرێ بە مەردی
ڕوو گەش نەوە کوو بە گۆنە زەردی
دنیایی گیانە شین و سەوزە
بێ بەش لە لەشی قوڕین و قەوزە
بۆ مردنە ئەو کەسەی پیاوە
وێستاوە لە سەنگەرێ خزاوە
دێوەزمەیی مەرگ بێ لە سەر ڕێی
لەو دەشتەوە پێش و ناڕەوێ لێی