«هاتنی خەزاڵێ بە بەرگێکی شڕۆڵەوە بۆ هەو هەوارە کۆنەی بە یادی لاسی»
لە کتێبی:
لاس و خەزاڵ (فیدایی)
بەرهەمی:
مەلا کەریم فیدایی (1928-1993)
1 خولەک
429 بینین
لەو کاتەوە هاتبوو جودایی
دەڕواوە دەڕوویی بێ وەفایی
خەم دەرد بە سەر خەزاڵە وەربوو
بەرگێکی شڕۆڵی ئەو لەبەر بوو
ڕۆژێکی بە گرژی و بە مۆنی
گوڵ هاتەوە بۆ هەوارە کۆنی
دەیدینەوە جێ ژوانی لاسە
بەو بیرەوە کچ لەوێ دەتاسا
وێستابوو لە لێوی ئاو و کانی
وەک سۆنە لەوێوە دەیڕوانی