«پەرێشانبوون و حاڵ گۆڕانی لاس بە قسەی مامە پیرە»
لە کتێبی:
لاس و خەزاڵ (فیدایی)
بەرهەمی:
مەلا کەریم فیدایی (1928-1993)
1 خولەک
637 بینین
ئەو پیرە بە زەین و پیرە ئاوا
بۆ لاس ئەلەو خەزاڵە کە دوا
دەیکردوە خانی خۆیی شەیدا
وێی کەوتەوە لەرزە لەو دەمەیدا
ئاخێکی وەهایی خەڵدەکێشا
بەندی جگەری دەگەڵ دەهێشا
چونکینە بە ئاوری خەزاڵە
سووتابوو دەروونی وەک زوخاڵە
لەو کاتەوە کرد بوویی مەنسوور
باسی لە خەزاڵە شۆڕی مەشهوور
ئەو باسە لە لاس کاریگەر بوو
قنیاتی هەر ئەو دەمەی لە دەس چوو
ئاگایی لە خۆ نەبوو لە تاوان
ئەسرینی دەڕشت ئەو لە چاوان
جا پیرە لەوەی کە بوو زیاتر
دەیخستە دەروونی لاس ئاور
دەدووا لە کچی مەلا و ماڵی
لەو دیمەنە قۆزە و لە خاڵی