بۆ پارە حەیفە خۆ دەکەیە پوولی ناڕەواج
لە کتێبی:
دیوانی مەحوی
بەرهەمی:
مەحوی (1836-1906)
1 خولەک
3942 بینین
بۆ پارە حەیفە خۆ دەکەیە پوولی ناڕەواج
بۆ پارووێکی نان ئەسەفە ڕوو دەکەی بە ساج
ڕێی دا لە قاپییا بمرم، پێشی سەر سەرم
نا، وا گەدا دەبێ بە خوداوەندی تەخت و تاج
بۆ زەبتی موڵکی دڵ بەسە لەو لێوە یەک قسە
شاهم، بە سەوقی لەشکری غەمزە چ ئیحتیاج
با بێنە سەیری گەردن و سینەی نیگاری من
نەیدیوە هەر کەسێ بتی زیو و سەنەم لە عاج
کەی دڵ دەسێنرێ لە بتێ سەندبێتی ئەو
لێوی لە میسر و زوڵفی لە چینی خەراج و باج
کێ قەدری شیعری ئێمە دەزانێ، بەری دەکا
هەر ساحێبە لەبەرکەری کاڵایی بێ ڕەواج
مەحویناسناوی ئەدەبی عەبەس بە دیدەیی بیمار مائیلە
ناگیرێ ئاشنایێ لەگەڵ مەستی نامیزاج