سکاڵا
لە کتێبی:
دیوانی ئەمین ئوشنوویی
بەرهەمی:
ئەمین ئوشنوویی (1889-1954)
1 خولەک
1048 بینین
فەزیحەت قەت لەوەی زۆرتر دەبێ ریسوایی عالەم بم
موسیبەت قەت لەوەی بەدتر دەبێ هەمتایی سەد غەم بم
زەلیلی دەستی منداڵ و ژن و ئەقوام و بێگانە
ڕەزیلی چاوی جیران و ڕەفیق و یار و هەمدەم بم
بە ڕۆژی سووگواری غەم دەڵێن ئەمما لە دونیایێ
لە بۆ من شادییە گەر موبتەلای ڕۆژی ماتەم بم
برینم بۆتە تیراوە عیلاجی ناکرێ تا کەی
هەمێشە ئینتزاری وەعدەیی دەرمان و مەرهەم بم
مووقەددەر وابوو من دەو ئاخرەی عومرێ هەتا دەمرم
دەگەڵ دەرد و بەڵایان هەمدەم و ئەسراری مەحرەم بم
«ئەمینناسناوی ئەدەبی»! لا تقنطو من رحمت اللهعەرەبی ئەمری قورئانە
خودا ڕوحمی گەڵێک زۆرە ئەمن با عەبدێکی کەم بم