سێ دیمەن

لەتریفەی مانگەشەوا
لەیادگاری تەڵخی (ئەوا)
دڵ وەک تاڤگە بەخوڕ دەڕژا
دەڕژا بەناو سنگ و قژا
وەکو تەمی پیێش دەم و چاو
ئێوارە بوو، (پەیمان) بەناو
خۆی پێ ی نایە بان ئەو جەرگەی
هی یادی ڕۆژی ئەو مەرگەی
کەئاسمانی ویژدان گریا
گیانە... کەس نەهاتە فریا
باڵندەی بن عەرد، بوون بە جیفڵقە
جەوەندەی ژێر زگ، زگی کەری دێز
مت بوو بێ شوڵقە
ئەمیان پان بۆوە، ئەویان زۆر گریا
گریا، گریا...
گریا، بۆ بریا..!!
جۆخینی ئاغە و جوتیاری ئەو دێ
ئاگرێکی گرت، تاکو سەر لە نوێ
هەریەکە بۆخۆی ئارەق بڕێژێ
تەرمی چەوسێنەر... ڕەنجبەر بینێژی