تووتیی تەبعم
بۆ میرزا خەلیلی بللووری
لە کتێبی:
دیوانی مەلا مارف کۆکەیی
بەرهەمی:
مەلا مارف کۆکەیی (1875-1945)
1 خولەک
432 بینین
زەبانی تووتیی تەبعم لەبەر بێ شەککەری تاڵە
گڕووی لێگرتووە وەک بۆ مەمک منداڵی یەک ساڵە
ئەگەر ئاغای بلووری نێو دەمی شیرین نەکا جا من
دەبێ بۆ کێ بنووسم ئەم خراپی شەرح و ئەحواڵە
ستارەی من لە ئەم ڕۆژانەدا کەوتۆتە تاریکی
تەماشا تۆ خوداکەی چۆنە ئەم بەخت و ئەم ئیقباڵە