باسی حۆریانی بەهەشت
لە کتێبی:
ئاقیدەی شێخ سەمیع
بەرهەمی:
سەمیع (1848-1889)
2 خولەک
1059 بینین
هەرێیک حەفتاودوو حۆری بۆ لەززەت
پێنج سەد غوڵامیش هەر لەبۆ خزمەت
مەجمووعیان جوانن، پاک چاردەساڵن
بێ ڕیش و سمێڵ، شیرینجەماڵن
داییم هەر بیکرن، ئەو جەمعی حۆریان
«لَمْ يَطْمِثْهُنَّ إِنْسٌ وَ لا جَانٌّعەرەبی»
گەر ئاوی دەمیان بێتە بەحری تاڵ
پاک شیرین دەبێ وەک ئاوی زوڵاڵ
ئەگەر پەنجێکیان بێتە ڕووی دنیا
مانگ و ڕۆژ شۆقی نییە لەکنیا
چاوڕەش و بۆنخۆش، گەردەنفرازن
خۆشخولق و خۆشخوو، شیرینئاوازن
هەریێک حەفتا جوور لیباس لەبەردا
ئەنواعی خشڵ و زیوەر لەسەردا
زۆر نازەنینن، عەجەب جوانچاکن
لە حەیز و نیفاس هەموویان پاکن
ساحێب عەیش و ناز، نازکئەندامن
قامەت عەڕعەڕن، شیرینکەلامن
ئەندامیان سافە وەک شووشەی بلوور
مەغزی لوولاکیان دەبینی لە دوور
داییم لە گەڵیان، ئیستیمتاع ئەکەن
لە سەعاتێکا سەد جیماع ئەکەن
هیچ بوغز و کینە و تەشویش نازانن
مەجمووعیان عاشق مێردی خۆیانن
پیری و نەخۆشی و مردن نامێنی
ئەو ماڵ و موڵکە کەس لێی ناسێنی
هەر ڕۆژی جومعە زیافەتی خوایە
خەڵعەتی ڕەزا و فەیزی لەقایە
مەدحی بەهەشتێ قەت تەواو نابێ
مەسڵەحەت وایە ئەمجار کۆتا بێ
«يا مالِكَ المُلك، سَتَّار و صَبورعەرەبی»
پادشاهی جەببار، غەففار و غەفوور
هەرکەس بیخوێنێ، یا گوێی لێ بگرێ
بە کردەوەی چاک، بە ئیمان بمرێ
«سەمیعناسناوی ئەدەبی» گوناهکار، «اِلتِجَاعەرەبی» ئەکا
بۆ فاتیحایەک سەد ڕەجا ئەکا