باسی خواردن و خواردنەوەی دۆزەخیان
لە کتێبی:
ئاقیدەی شێخ سەمیع
بەرهەمی:
سەمیع (1848-1889)
1 خولەک
719 بینین
خۆراکیان زەریع، قورسی زەقوومە
زۆر گەرم و بۆگەن، هەم تاڵ و شوومە
ئاویان غەسساقە، عەینی حەمیمە
یا عەینی غووتە، یا زاخ و کیمە
دەرخواردیان ئەدەن، زەریع و زەقووم
ئەو تێی دەمێنێ لە تەنگی حلقووم
نە دەچێتە خوار نە بۆی دێتەدەر
هاوارهاوارە، ئاوم بێننە سەر
فەورەن زەبانی، ئاوی بۆ دێنێ
کە دەیخواتەوە، دایدەڕزێنێ
باسی عەزابیان نایەتە تەقریر
خودا فەرموویە «وَ بِئْسَ الْمَصيرعەرەبی»
هەرکەس ئەزیەتی خەڵکی زۆر دابێ
بۆ زوڵمی مەخلووق زۆر تێکۆشابێ
ئەو زۆر زەلیلە، گەلێ بەدبەختە
زیاتر لە هەمووان، عەزابی سەختە