بای وادە
لە کتێبی:
شاری دڵ
بەرهەمی:
سەید کامیل ئیمامی (1903-1989)
1 خولەک
887 بینین
ئەوا بای وادە هات و سەوزە چیمەن
بەهەشتە گوڵشەن و سەحرا بە دیمەن
بەڵام بۆ من چ بای وادە، چ پاییز
ڕەفیقان بانگی کاروانی هیوا کەن!
بەبێ ئازیزی دڵ خێڵ ڕەنجەڕۆیە
کەژاوەی ژینی تاڵ ناگاتە مەعدەن
بە خۆی ما دڵ، کە دی نێرگس لە باخان
بە چاوی جوانی دەڕوانێتە گوڵشەن
دڵم ما هەڵوەدا و موبتەلای ئەو
چ بێ مەڵبەند و جێگا، ماڵ و مەسکەن
دڵم دۆش ما بە لای خەرمانی مەینەت
بەبێ هاواڵ و داوەڵ، بێکەس و شەن
بەبێ ئازیزی دڵ مەرگی «ئیمامیناسناوی ئەدەبی»
نزیکە، دا بڵێ بێن گۆڕهەڵکەن