دەوای دڵی زارم
لە کتێبی:
شاری دڵ
بەرهەمی:
سەید کامیل ئیمامی (1903-1989)
1 خولەک
870 بینین
بە گوێی زەمانە بگا گیانە ئاخۆ هاوارم؟
وەڕەز لە ژینم و بوونم، هەراس و بێزارم
تەمەن تەواو بووە، ئەمما تەمەع وەکوو خۆی ما
لە بەژنی بەرز و لە ئاکاری جوانی دڵدارم
کەسێ کە پرسی لە من، پێی بڵێن: وەکوو مەجنوون
لە زەرد و ماهە، لە هەرد و تەلانە ئاسارم
ڕەفیقی جانەوەرانم، ئەسیری بەندی ئەوین
هەمیشە ڕووتەڵی نێو باغ و دەشت و کۆسارم
نەخۆشی دەردی ئەوین بێ عیلاج و دەرمانە
بەداخەوە نییە چارە و دەوای دڵی زارم
دوو ماچی لێوە، ئەویش پێوە دەمرم و نابێ
نەسیبی ئەو دڵی وا پڕ لە دەرد و ئازارم
«ئیمامیناسناوی ئەدەبی» هەروەکوو کوێر چاوەڕێیە چاوی هەبێ
کەچی بەداخەوە هەر کوێرە چاوی بیمارم