بەفری خەم
لە کتێبی:
شاری دڵ
بەرهەمی:
سەید کامیل ئیمامی (1903-1989)
1 خولەک
1076 بینین
بەفری خەم دیسان لە سەر کوێستانی دڵ
کەوتووە، ڕووخاوە دەرک و بانی دڵ
باری خەم دایگرتووە، قورس و گران
بوو جدەو بەو کۆڵە، کۆڵ و شانی دڵ
بێ سەروسامانی خۆم سەد چەل بە توون!
داخەکەم بۆ بێ سەروسامانی دڵ
هەر بەناسۆرە، برینی کارییە
ڕۆژ لەگەڵ ڕۆژ زۆرە ئێش و ژانی دڵ
وەک دەڵێن میری ئەوینی پێوە دێ
زۆر بەڕێز و گەورەیە میوانی دڵ
ئاوری عیشقی هەڵیقرچاندووە
جەرگ و دڵ بۆتە کەبابی خوانی دڵ
ڕێگەیی هات و نەهاتت دێتە بەر
بیبڕە «کامیلناسناوی ئەدەبی» بە پشتیوانی دڵ!