مامۆستای گەورەم شاعیری ڕەنگین
وەڵامی موفتی بۆ مەلاقادری دێی ئارمردە
لە کتێبی:
دیوانی موفتی پێنجوێنی
بەرهەمی:
موفتی پێنجوێنی (1881-1952)
1 خولەک
815 بینین
مامۆستای گەورەم شاعیری ڕەنگین
کۆگای زانستی ڕێگای شەرع و دین
ئەو پرسیارانەی کە تۆ لێت کردووم
جوابیت عەرز ئەکەم تاکوو نەمردووم
جێگەی تۆ لە دێی چۆڵ و لاپەڕە
کۆمەڵی دوورن وەک بزن و مەڕە
هیچتان نازانن ئەم دنیای ڕوونە
چۆنە و چ ڕەنگە و عالەم چلۆنە
دنیا بۆ خەڵکی ئێستە بەهەشتە
تۆش خۆراکی گاڵ، بەرگی جاو بەشتە
عالەم بە سنعەت چوون بۆ ئاسمان
تازە تۆ ئەگریت بۆ ئاخر زەمان؟
فەرمووتە کچان بۆ مەکتەب ئەچن
کەی خوا فەرموویە خوێندەوار نەبن؟
ئەوانیش وەک تۆ ئادەمیزادن
شەریکی پیاون حوڕ و ئازادن
ژنی وڵاتان بوون بە کاربەدەس
تۆش ئەمر ئەکەی بخرێنە قەفەس
نووسین بە کوردی تاکەی کوفرە لات
بۆچ لات ناخۆشە زبانی وڵات
لێم زویر نەبی هاوڕێی ژینتم
کوردم وێنەی تۆ هەم هاودینتم
بەڵام لە داخان کە وا دواکەوتووین
عالەم هوشیارە و ئێمە هەر خەوتووین
ناچارم ئەیڵێم ئەوەی ئەیزانم
پڕئێشە زامی گۆشت و ئێسقانم
مەلا عەبدوڵڵاناسناوی ئەدەبیی تووتنچی پێنجوین
جوابی دایتەوە بە زووبانی دین