لە شوکرانەی خوا کەی دەرئەچم من
لە کتێبی:
دیوانی موفتی پێنجوێنی
بەرهەمی:
موفتی پێنجوێنی (1881-1952)
1 خولەک
623 بینین
لە شوکرانەی خوا کەی دەرئەچم من
کە ئەمساڵیش نەجاتم بوو لە تووتن
نزیکی ساڵ و نیوێکی تەواوە
بە زنجیری جەفا قاچم جەڕاوە
لەلای حەمماڵی تووتن چاو بەرەوژێر
ئەمن وەک دێڵەڕێوی ئەو وەکوو شێر
پەنا بە خوا کە ئەمدی گەورەکەی ئەو
جیهان تاریک ئەبوو لێم هەروەکوو شەو
جەخار و دەرد و ناسۆری بە دەفتەر
تەواو نابێ لە دنیا تا بە مەحشەر
ئەگەر قازانجەکەی دووسەد دینارە
لەلای من کاکە هەر وەک ژەهری مارە
ئەکەم تۆبەی نەسووحی تا بە مردن
نەبم تێکەڵ لەگەڵ ئەربابی تووتن