فکرێک لە دڵما دەمێکە کاکە
لە کتێبی:
دیوانی موفتی پێنجوێنی
بەرهەمی:
موفتی پێنجوێنی (1881-1952)
2 خولەک
733 بینین
فکرێک لە دڵما دەمێکە کاکە
گەرد و خولیەتی حاڵم هیلاکە
بەیانی ئەکەم نزیکە مەرگم
لەت و پەت ئەبێ سەراسەر جەرگم
گەلێ ئوسووڵمان لەناوا باوە
میللەتی کوردی پاک پێ فەوتاوە
ئەووەڵەن مردووی دێهاتەکەمان
کەسی زیندووی خۆی ئەخاتە زیندان
لە هەموو لاوە سەریان تێئەکەن
بە سەر خۆشیان سەرخۆشیان ئەکەن
هەموو زەلامێک تاوەکوو ئەڕوا
بایی سەد فلس چێشت و نان ئەخوا
نە نان ئەمێنێ نە برنج نە ڕۆن
کەشک و شێلم و دۆینەکەش ئەخۆن
ئینجا ساحێبماڵ نۆماڵ ئەکەوێ
ڕووت و قووت داماو بۆ قووتی شەوێ
داخی مردووەکەی دەرئەچێ لە دڵ
بۆ ماڵوێرانی جەرگی دێتە کوڵ
پاکی بەم دەردە دڵ بریندارە
بێ سەدا و بێ دەنگ بەبێ هاوارە
عەیبە نایەڵێ کەس بێتە زبان
کوژراون هەموو بە تیغی دەبان
لەمیشدا کەمێک خەتای مەلایە
ئەو هەرچی بڵێ میللەت ڕەزایە
کەڕەتێک نەیوت ئەمە حەرامە
هەر وتی وەسیەت ئیسقاتی کامە
نوێژی فەوتاوە درۆی کردووە
بۆی جێبەجێ کەن تاوەکوو زووە
خولاسە ئەگەر مەڕێکی ما بێ
ئەویش بۆ ئیسقات بەشی مەلا بێ
یاخوا کەس نەیبێ فاتحەخوانی
دەردێکی قورسە کاکە نایزانی
فاتحەی لادێ ماڵ بە قوڕ ئەگرێ
مردوو بە ڕێی خۆی زیندووی پێ ئەمرێ