هەر ئیی خۆتم
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
284 بینین
دڵت تووشی چ داوی کرد بە دوو چاوی وەکوو بازی
چ سیحرت کرد خەواندت لە خەوخانەی مەکربازی
خەوان و کوشتن و ناڵین لەلام خۆشە فەر هۆشم
بە مەیلی خۆت بکە قوربان منیش وا دێم بە شانازی
گیانە مەستم بە خاڵانت جگەر زامی مژەی خۆتم
لە سێدارەم مەدە بێکەس ببینی خۆت بەبێ نازی
ئەمن بکوژی کێ خەمخواری شل و شێوای قەد و باڵای
بە خوا باسی لەناو عاشقان بە بولبول دا و بە ئاوازی