زۆر گرانە
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
299 بینین
عیشق دەردێکی دژوارە بە سانایی تێمەگەن لاوان
هەزاران قەیسی مەجنوون کرد هەناسەی بای زولف خاوان
گڕی گرت یان وەکوو ئاڵتوون لە بۆتەی عیشقی تاواوە
کەمەند و دیلی داوانە دەناڵێنێ لەناو داوان
لە شاخان چەشنی فەرهادی لە بێستوونی موحیببەتدا
فەریبی خوراد و سەری ناوە بە مەکر و غەمزەی چاوان
بەبێ «سامە» لە خنکانی بەرەی عاشق، ترس کانی
لە داری دا بە کەیفی خۆی بەبێ سوچ و بەبێ تاوان