گیانەکم
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
322 بینین
خۆشەویستەکەم شۆخی پەرچەم خاو
ئەی بێمەیلەکەی زوڵف تێکاڵاو
کە هاتمە دەرگەت بۆ دەرمدەکەی
گازیشم دەکەی بە غەمزەی دوو چاو
بە ڕەوزەی سینە و بە دوو مەمی تەڕ
فریبم دەدەی منی دڵشکاو
بۆ وەعدەت پێ دام لێم پەشیمانی
دەمخەیتە دەریای بێ بن و گێژاو
سەرم سووڕ ماوە هەناسەی دەمت
خونچەی دەم پێ دا و عەتری لێ ڕژاو
هاتە خوار بە سەر مێشک و دڵی من
سامیناسناوی ئەدەبی نواند و بەستیشی بە داو