خۆشەویست و غەم ڕەوێنم وا لەبۆ لا هاتەوە
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
514 بینین
خۆشەویست و غەم ڕەوێنم وا لەبۆ لا هاتەوە
هاتە سەر خۆشی غەمم یا هات و دڵ دەرکاتەوە
هاتی دڵ دەرکەی عەزیزم حەپس و زنجیری بکەی
یا لە سێدارەی دەدەی بەو زوڵفەکەی تاتاتەوە
یا بە سالاری مژان و زوڵفی وەک جەیشی فەڕەنگ
دێیە مەیدانی تەپۆیەک بەو هەموو سامانەوە
قەسدی کوشتنی منی فەقیر بۆ دەکەی هەی خوێنڕێژ
پاشی من جا کێ هەیە تا باغی سینەت کاتەوە
پاشی کوشتن وەسیەتت بێ قەبر و تابوتم بکەی
لای سەرینم ڕابوەستە با ڕەقیب بڕواتەوە
کافرەیی مەزهەب مەسیحی یا ئەنیسا بەسیەتی
ئاهی من هاتە ملی تۆ و گەردەنی پاپاتەوە
کەی مەلائیک لێم دەپرسن سامیناسناوی ئەدەبی ئەعمالت چ بوو
من ئەڵێم لەیلا دەزانێ جوابی باداتەوە