موحیبەت دەردێکی پیسە مەڵێن کارێکی هاسانە
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
309 بینین
موحیبەت دەردێکی پیسە مەڵێن کارێکی هاسانە
ئەوەی عیشقی لە دڵدا بێ بە ڕۆژ و شەو هەراسانە
بە دایم هەر دەناڵێنێ کە شێواوە وەکوو مەجنوون
بە شێتی تێدەگەن عالەم دڵێن شێتی ئەجیندانە
بەشاهید بن کە من مردم نە شێتی دەستی جینانم
مەکەن پرسی بە شێخی شێت بڵێ وەهمێکی پەریانە
حساباتی من و مەجنوون وەکوو بەیتی ئەسکەندەروان
دەگوترێ من لە بەحری غەم عەزیزیش وا لە کەنعانە
ئەوا عەتری هەناسەی دێ سەرم مەستە لە مەستی بۆ
دەڵێم عەتری لەبی یوسف وە یا خونچەی لە باغانە
شەهیدی ئاتەشی عیشقم لە ڕۆژی حەشردا یاران
لە مەئوا دادەنیشم من کە وا جێگای شەهیدانە
ئەسەف ناکەم لەبۆ کوشتن کە کوژراوم لە ڕێی عیشقا
نەکوژراوم بە تەنهایی کە کوژراون هەزارانە
کە سامیناسناوی ئەدەبی چەند لە هیجرانە لەسەر تەختی سولەیمانە
کە کوشتەی تیری موژگانە لە ژێر غەمزەی خەرامانە