مدیر تەحریر و شێخ
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
526 بینین
شیعر و عیلم و ئەدەبییات بێ کەس و بێ چارەیە
ئیمڕۆ نرخی ئادەمیزاد هێز و کورسی و پارەیە
وا لە دنیا ئەو لە کارە مەنسەب و تاجی هەیە
ئەو لە جێی علم و نیزام و سیاسەت و ئیدارەیە
بێ بەشی لەو سێ شتانە و وادەژێ لەو عەسرەدا
شێت و هاری بوویتە میوەی بەرهەمی ئەو کارەیە
وا بە «سام» و وا بە برسی مردنت زۆر چاترە
یا هەژاری و یا لەبەندی یا پەت و سێدارەیە