وەڵامی شاکەلی بۆ توفیق ئاغا
لە کتێبی:
دیوانی شاکەلی
بەرهەمی:
شێخ ئەحمەد شاکەلی (1905-1980)
1 خولەک
501 بینین
کزەش خست نەجەرگ دڵەی غەمبارم
موزاعەف کەردەن دەرد و ئازارم
کەلامی دڵسۆز ئاغەی گەڵاڵیکەس
جە دڵسۆزی ئەو دڵ بیەن حاڵی
تۆ ڕاس فەرمان بێ دۆسەکەی گیانی
پەریت زەخمت بێ شاکەلی وێرانی
چەنی هاوفەردان شکارت کەردەن
ئەوقاتت وەسەیر سەیران سەرف کەردەن
وە هەوای ئەو سەیر ئەمساڵ چون ساڵان
تەرک کەردەی وەتەن وەڵگەی کوردستان
نە ئەو بەزم کەیف ئەو سەیر و سەیران
نە ئەو زەوق و شەوق زەمزەمەی جاران
جەلالت جەم بیەن مەینەت فراوان
پەی شەوقی سوحبەت شێخی گەرمیان
مەزانۆ ئێستە دەردت کاریەن
کەیفەکەت ڕمیان نادیاریەن
بەڵام ئەی هاوڕاز ڕەفیقەکەی دڵ
ڕای مەینەت هەرگیز ناوەرێ وە دڵ
چونکە یەرەوییەی چەرخی ناسازەن
گاهێ جە نشێو گاە جە فەرازەن
مەگێڵا فەلەک وە کامی یاران
ئاوا هەر وینی شاکەل چون جاران
وە تەوفیقی زات فەردی بێ هەمتا
مەکەری شکار ئەو زێدو مەئوا
وەرنەوەی تەقدیر ئێمەیچ چون یاران
وەی گشت دەردەوە هەی پەی مەزاران