wełamî şakelî bo tufîq aẍa
From the Book:
Dîwanî Şakelî
By:
Sheikh Ehmed Shakeli (1905-1980)
1 minutes
514 views
kizeş xist necerg diłey ẍembarim
muza’ef kerden derd û azarim
kelamî diłsoz aẍey gełałîPerson
ce diłsozî ew dił byen ḧałî
to řas ferman bê dosekey gyanî
perît zeximit bê şakelî wêranî
çenî hawferdan şikarit kerden
ewqatit weseyr seyran serf kerden
we heway ew seyr emsał çun sałan
terk kerdey weten wełgey kurdistan
ne ew bezim keyf ew seyr û seyran
ne ew zewq û şewq zemzemey caran
celalit cem byen meynet firawan
pey şewqî suḧbet şêxî germyan
mezano êste derdit karyen
keyfeket řimyan nadyaryen
bełam ey hawřaz řefîqekey dił
řay meynet hergîz nawerê we dił
çunke yerewîyey çerxî nasazen
gahê ce nişêw گاە ce ferazen
megêła felek we kamî yaran
awa her wînî şakel çun caran
we tewfîqî zat ferdî bê hemta
mekerî şikar ew zêdu me’wa
wernewey teqdîr êmeyç çun yaran
wey gişt derdewe hey pey mezaran