وڵامی نامەی ئەنوەری برازای شپرزە لەلایەن شپرزەوە
لە کتێبی:
گرد و کۆ
بەرهەمی:
نافیع مەزهەر (1913-1998)
1 خولەک
571 بینین
ئەونوەرگیان نامەی حەوساڵ لەمەوبەر
ئیمڕۆ بە وردی خستمە بەر نەزەر
فەرمووبووت ماتی، چلۆن مات نەبم
مات و خەفەتبار بۆ وڵات نەبم
من ماتم چوونکا وەک قانعناوی تایبەت ئەڵێ:
خەڵکی پێم ئەڵێن شێتە و زۆربڵێ
ماتم لەبۆ تۆ و لەبۆ قەوم و کەس
شاڵا وەک خەڵکی نەبوایەم دەربەس
ماتم بۆ ئەوەی بێ تاوان کوشتیان
خوێنە پاکەکەی ناپاکان ڕشتیان
ماتم بۆ زوڵم و زۆر و نەداری
ماتم بۆ ڕەنج و خەرج و بێکاری
ماتم بۆ خۆم و خەڵکی شارەکەم
ماتم بۆ قەومە گرفتارەکەم
دەردەدڵ زۆرە با گێژت نەکەم
گیرۆدەی قسەی درێژت نەکەم
بەڵام لام وایە دنیا خۆش ئەبێ
ئەم خەم و دەردە فەرامۆش ئەبێ
خۆشی و لەشساغی پاش نەخۆشینە
جا ئەمجار نۆرەی هەوڵ و کۆشینە
دنیا هەر وایە کارە و بەتاڵی
بەرزی و لێژییە، خۆشییە و تاڵی
خوا بکا ئێوە باش و لەشساخ بن
لە ماتی دەرچن زۆر بە دەماخ بن
دوایی بە قسەی شپرزەناسناوی ئەدەبی ئێرم
نووری چاوەکەم بە خوات ئەسپێرم!