شین بۆ مەرگی مامۆسا حەمەڕەسووڵی شیرازی
لە کتێبی:
گرد و کۆ
بەرهەمی:
نافیع مەزهەر (1913-1998)
2 خولەک
588 بینین
سڵام لە ڕۆحت سەدجار شیرازی
خوا بە لوتفی خۆی لێت ببێ ڕازی
ئەتۆ پسپۆڕ و خاوەن قەڵەم بووی
بۆ هەموو کەسێ شەریکی غەم بووی
وێنە و مانەندی ئەتۆ زۆر کەم بوو
تەواوی باشی لە تۆدا جەم بوو
ئەدیب و زانا و شاعیر و پیاوچاک
موسوڵمانێکی ڕۆشەنبیر و پاک
عەلاقەی زۆرت بە شارەکەت بوو
دڵخۆشیت تەواو بە کارەکەت بوو
داخی گرانم بۆ وا زوو مردی
بۆ بەجێتهێشتین بۆ دنیا و دەردی
با کۆڕی بگرین، بگرین زۆر بە کوڵ
وەک شینی بولبول لەسەر پەڕەی گوڵ
بڵێین مامۆسای میهرەبانم ڕۆ
پیاوی بێهەوا و خۆشبەیانم ڕۆ
خۆشەویستەکەی شاری سەقز ڕۆ
غەمخۆری گەلی ڕووت و عاجز ڕۆ
زانای زۆر بەرزی نیشتیمانم ڕۆ
ڕۆڵەی دڵسۆزی کوردستانم ڕۆ
ڕفێقی ڕاز و دڵنەواییم ڕۆ
وەی شیرازیم ڕۆ، وەی شیرازیم ڕۆ
ئێمە بۆ خواین و بۆ لای ئەو ئەچین
ئەگەر ڕاسڕەو بین یا ئەگەر کەچین
گڵکۆت جێ کەیف و شادمانی بێت
جێگای بەهەشتی جاویدانی بێت
وەک هەژارناوی تایبەت ئەڵێ بۆ مەرگی هێمنناوی تایبەت
ڕۆیشتی و غەمت بەجێهێشت بۆ من
پیرم شپرزەناسناوی ئەدەبیم بەسمە گفتوگۆ
منیش بەتەمام زوو بێم بۆ لای تۆ!