ئەی کەو فریبی دێوجامە مەخۆ
لە کتێبی:
گرد و کۆ
بەرهەمی:
نافیع مەزهەر (1913-1998)
1 خولەک
653 بینین
ئەی کەو فریبی دێوجامە مەخۆ
نێچیروانە خۆی ونکرد لە تۆ
بە زەرد و سوور و بە نەقشی ئەڵوان
لە ڕێت دەرنەکا ئامان سەد ئامان
ئەگەر ئەتوانی هەر وەکوو کەومار
پێوەدە و ڕەقی بکە وەکوو دار
ئەگەینا وەختێ خۆت لێ غافڵ کرد
ڕۆحت دەرئەکا بە یەک دەسوبرد
خۆ دیارە ئەتۆ کەوی کەومار نیت
ئازارت ئەدەن خەڵک ئازار نیت
کەوابوو سەری خۆت بگرە و بڕۆ
فریوی ڕەنگ و جوانی کەس مەخۆ!