فلس، پووڵ، پارە
لە کتێبی:
گرد و کۆ
بەرهەمی:
نافیع مەزهەر (1913-1998)
1 خولەک
643 بینین
ئەی فلس وەڵڵا لە دایک و باو و باپیر چاتری
تۆ لە خزم و ئەقرەبا و مورشید و پیر چاتری
گەر ئەتۆم لابی فلس ئیتر لە کەس باکم نییه
تۆ لە خەنجێر و دەمانچە و تۆپ و شەستیر چاتری
بۆ بەجێهێنانی کار و بار و تەنزیمی ئومور
زۆر لە عەقڵ و دانش و ئارا و تەدبیر چاتری
ئەی فلس تۆ چەن هەزاران شێرەمەردت بەستەوە
زۆر لە پەیوەند و کەلەبچە و کۆت و زنجیر چاتری
تۆم لەداستا بێ فلس عالەم سەرم بۆ دائەنێت
تۆ لە فەننی کارەبا و عیلمی تەسخیر چاتری
ئەی فلس زۆرم تەقەللا دا لە تۆم باشتر نەدی
موختەسەر ئیتر لە هەرچیم بێتە سەر بیر چاتری
ئەی فلس هەر تۆ تەبیبی بۆ غەریبی دەردەدار
بۆ شپرزەناسناوی ئەدەبی و مۆفلیس و بێکەس لە دەسگیر چاتری