کەرەکانی شێخ سەلام
لە کتێبی:
دیوانی فایق بێکەس
بەرهەمی:
فایق بێکەس (1905-1948)
1 خولەک
1179 بینین
کەریم، ئەمڕۆ کورتان بۆتۆ
شەڵتەی جەزا بگرە و بڕۆ
بار هەڵگرە تا نیوەڕۆ
سیاسی بە، زۆر لەسەرخۆ
«برتو هزاران علبه جو»فارسی
***
مودیرەکەی شاری «پێنجوێن»
بەتڕ نابێ بەڕوتبە و شوێن
بەخورماڵیش بۆت ئەخۆم سوێن
تۆ لە کوێیت و، ئەوان لە کوێن!
«برتو هزاران علبه جو»فارسی
***
هەزاری بێ عەقڵ و کەماڵ
بۆخۆی گەیی بە حاڵ و ماڵ
وەک مودیرەکەی «چەمچەماڵ»
«برتو هزاران علبه جو»فارسی
خۆ کەرەکەی «حاجی مامەن»
بەسەد قورئان، باوەڕ بکەن
لەگەڵیا ئیمتحانت کەن
ناگاتە تۆ بە عیلم و فەن
«برتو هزاران علبه جو»فارسی