شیرین کاڵانی
لە کتێبی:
دیوانی سەیدی
بەرهەمی:
سەیدی (1785-1849)
1 خولەک
965 بینین
شیرین کاڵانی، شیرین کاڵانی
شیرین تۆ مەتای شیرین کاڵانی
باش نازدارانی، سۆسەن خاڵانی
قامەت نەونەمام، عەرعەر باڵانی
شیرینەن بەژنت، شیرینەن باڵات
شیرینەن خاڵی سەر گۆنای ئاڵات
شیرینەن هۆشت، شیرینەن فامت
شیرینەن شێوەت، شیرینەن نامت
شیرینەن خەمزەت، شیرینەن نازت
شیرینەن کەلام، گفتوگۆو ڕازت
شیرینەن تای زوڵف سیای گرنجت
شیرین پێچ وەردەن نە دەوری زنجت
تۆ پی شیرینی جە پا تا وەسەر
سەر تا پات دڵ چەسپ، دڵ کێش و دڵ بەر
شیرین تەعریفت نمەزانوو چێش
سیماو ڕوخساریت نوور مەوارۆ لێش
شیرین تۆ شەمع و من پەروانەنان
شیرین تۆ پەری و من دێوانەنان
شیرین جە داخی بێ مەیلی تۆوە
وەختەن چوون فەرهاد وێڵ بوون بە کۆوە
سەیدیناسناوی ئەدەبی چوون پەی مەدح شیرینش باسەن
ڕازی شیرینش کۆتا بۆ خاسەن