چراغ دڵ بەستم
لە کتێبی:
دیوانی سەیدی
بەرهەمی:
سەیدی (1785-1849)
1 خولەک
858 بینین
چراغ دڵ بەستم، چراغ دڵ بەستم
جە زەڵ، دڵ وە مەیل وەفای تۆ بەستم
بادەی عەشقی تۆن من پەنەش مەستم
وەردام جە دامان ئی دونیا، دەستم
دڵ گیرۆدەی دام، زوڵفی تۆ کەردم
پەی خاڵت، جە ماڵ دونیا ویەردم
سەر نیام نە ڕات، پام کەردەن جە سەر
ڕای بادەی عەشقی تۆم گرتەن نە وەر
تیرم بی کەمان، شکستەی کەم زۆر
پەنجایی عەمرم بەرمەشۆ نە هۆر
نە زۆری بازوو، نە زیندەگانی
نە مایەی مەتای عەمری جوانی
سەیدیناسناوی ئەدەبی هەرچیش بێ، بافتی ڕای تۆش کەرد
گەردوون چی ڕانە هاڕەنجەڕۆش کەرد