پێسەو مەجۆڵەی
لە کتێبی:
دیوانی سەیدی
بەرهەمی:
سەیدی (1785-1849)
1 خولەک
1182 بینین
پێسەو «مەجۆڵە»ی ملوونە کۆوە
دە «لەیلێ، لەیلێ» وەس بێوەفایی
تۆ هەر چەنی من «وادێ» مەدەینە
گێرو نە دەورم خەرقەی گەدایی
سا بدیە «دیدەم»، چی بێ تەما بوو؟!
«ئاشک» چکۆ بۆ پەی بێ تەمایی؟!
ببۆنە قەقنەس، سۆچۆنە مێرۆ
نەکێشۆ کافر دەردی جیایی
ببوو «پەپوولە»، پڕوزیەوەنە
نەیاوۆ سوودێ و چی ڕۆشنایی
جارێوە «لەیلێ»، تۆ بۆ دیۆنەم
با جە تۆ بۆنە، بۆی ئاشنایی
تۆ تەبیبم بە، من دەوا کەرە
ئینا لاتەوە، پەی من دەوایی
چوون پەی کەس نیا مەعلووم گوناهێ
پەی دیای «صُنعی خوبی» خودایی