pêsew mecołey
From the Book:
Dîwanî Seydî
By:
Seydi (1785-1849)
1 minutes
1229 views
pêsew «mecołe»y milûne kowe
de «leylê, leylê» wes bêwefayî
to her çenî min «wadê» medeyne
gêru ne dewrim xerqey gedayî
sa bidye «dîdem», çî bê tema bû?!
«aşk» çiko bo pey bê temayî?!
bibone qeqnes, soçone mêro
nekêşo kafir derdî cyayî
bibû «pepûle», piřuzyewene
neyawo sûdê û çî řoşnayî
carêwe «leylê», to bo dyonem
ba ce to bone, boy aşnayî
to tebîbim be, min dewa kere
îna latewe, pey min dewayî
çûn pey kes nya me’lûm gunahê
pey dyay «sun’î xubî» xudayî