کەکۆ زمان درێژم
لە کتێبی:
شەفاق
بەرهەمی:
جگەرخوێن (1903-1984)
2 خولەک
1181 بینین
کەکۆ زمان درێژم، مەخەیدە ئەز چ بێژم
ئەز خێرخواز و دلۆڤان بێ تۆز و بە قەرێژم
زمانێ من و تەیە، نیسک و گەنم و جەیە
گەلەک زیوان تێدەیە، نها ژێرە وەربێژم
گەنم هەمی زیوانە، بێ روومەت و ئەرزانە
ب سەر هەڤ دە بەر دانە، لێ ئەز ژێرە گربێژم
زمانەکی کەڤنارە، چەند سالە کۆ بەیارە
د بن لنگێ نەیارە، ب سەر وە دە ناڤێژم
نە ئەز شێخم، نە مەولا، ل کەس ناکم تەشقەلا
ژ بەر ڤان دەرد و کولا، بێ رۆژی و نمێژم
کورێ کاردۆخناوی تایبەت و میتانناوی تایبەت! د تاریخێ پەهلەوان
مەنێرە کۆ بندەستم، کەڤنارە و ژ مێژم
ریسێ خوە من بادایە، من رستییە، رادایە
خەلکێ تەنوور دادایە، ئەز نانێ خوە دپێژم
تاریخ دچی بەر ب پێش، بارێ وە من برە ئێش
نوو هاتیە هەبوونێ، تو روونی، ئەز دەوێژم
تم دخوازم ئازادی، دڤێم خوەشی و شادی
بێ زۆر کەسەک حەق نادی، نە فاشست و خوینرێژم
شەر ناخوازم، هاشتیخواز، ب لاڤ لاڤ و گازەگاز
نابی شەرێ بۆرجەواز، ئەز نە دینم، نە گێژم
من خوەست کو ببمە رێبەر، ب تیپ و تۆپ و لەشکەر
ب دژمن رە بکم شەر، لێ نکارم بپێژم
ما ئەز چ بکم نینە پشت؟ چ بکم ژ تزبی و خشت؟
چووکم دکم قشتەقشت، ڤان رستان ئەز دبێژم
چ هاتییە سەرێ من، بار گرانە کەرێ من
ئەز لێ ددم مەخەل تێ، نزانم ئەز چ بێژم؟
هەفتێ سالن جگەرخوینناسناوی ئەدەبی، دل و کەزەب بوون برین
گەلەک فەرسەندە مە دین، زانابی ئەز نە هێژم!