موودەتێکە ئارەزووی ویسالی جانان ئەکەم
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
886 بینین
موودەتێکە ئارەزووی ویسالی جانان ئەکەم
بۆ نیگاهی ماڵ و سەر گیانی خۆم قوربان ئەکەم
شەو بە یادی چاوی مەستی دەبمە ساقی مەیکەدە
ڕۆژ بە فیکری باخی سینەی شەریعەت پەنهان ئەکەم
ناری فیراقی بە چەشنێ تین و تاوی سەندووە
بۆیە ئێستە چاوەڕوانی بارانی ئیحسان ئەکەم
ئەو پەری چیهرە لە ڕوو دەرگای لوتفی پێوە دا
نەیبوو ڕەحمێ بۆیە ناچار پەیڕەوی دێوان ئەکەم
من لەبەر بێ مروەتیی ئەو غازالەی دەشتی ناز
کەڵکی ناو جەمعم نەماوە ڕوو لە کۆهستان ئەکەم
بێ شکم فیتنەی ڕەقیبە یار دڵی کرمێ بووە
ئەو سەگی گوێچکە بڕاوە حەواڵەی یەزدان ئەکەم
شیعری ناتیقناسناوی ئەدەبی کەی دەگاتە حەددێ وەسفی یار بکا
خامە دانێ چی بنوسم موحەقەق تاوان ئەکەم