ڕێم بدە با نەجاتم بێ لە حەلقەی ئەو داوەدا
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
634 بینین
ڕێم بدە با نەجاتم بێ لە حەلقەی ئەو داوەدا
تا پەنجەکانم بهێنم بەو ئەگریجە خاوەدا
کەسێ نایبنێ وەکو من بە شەرارەی غەمزەکەت
جەرگ و هەناوی سووتا بێ لەم دیار و ناوەدا
کوانێ شەرتت ؟ کێ خەزانەی لوتفی پاماڵ کردوویی
کوفرە جارێ ڕەحمێکت بێ بەم دڵە سووتاوەدا
با هەموو عالەم بزانێ عەهدی خۆم بەسەر دەبەم
تەنیا ڕۆحم ماوە ئەیدەم لە ڕێگەی ئەو چاوەدا
پەروانە ئاسا لەدەوری شەمعی سیمات خول ئەخۆم
تا بسوتێنم و بڵێن خۆی کوشت لەو پێناوەدا
خوردی ڕۆژ و خوابی شەو لێم حەرامن چارەیەک
بەزەییەکت بێ بە حاڵی ئەم چاوە گریاوەدا
هەوری مەئیوسی ناتیقاناسناوی ئەدەبی شەست ئەکا هۆشت ببێ
ماڵی مەعشوقت نەدا بە دەم ئەو لافاوەدا