هەر زەمان ئەو تورکی مەستە ئارەزووی نێچیر ئەکا
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
938 بینین
هەر زەمان ئەو تورکی مەستە ئارەزووی نێچیر ئەکا
کۆمەڵی عاشق لە حەلقەی پەرچەما زنجیر ئەکا
گا بە شەڕ شمشێری ئەبرۆی چاک ئەکا دڵ گا میهر
خەمزەکەی بۆ بەقیە قولاپی مووژەی جووت گیر ئەکا
کافرەی بێ مروەتە وەک دەرسی سیحری خویندبێ
چاوی ئەگلێنێ جیهانێ سەربەسەر تەسخیر ئەکا
تیرەباران ماڵ ئەکا وێران و من بەختم هەیە
یار بە پەیکانی مووژەی وێرانی دڵ تەعمیر ئەکا
گا بە نەشتەر هەڵدڕن جەرگم بە گوێزان بمجنن
ئاگری عیشقی لە دڵما تاکو دێ تەئسیر ئەکا
پێی بڵێن بۆ قەتڵی ئاشق حاجەتی خەنجەر نییە
خەمزەکەی موژگان و ئەبرۆی کاری تیر و شیر ئەکا
عیللەتی پیری قەدی چەماندمەوە وەک ئەبرۆت
عەشقی باڵاکەت بەڵایەکە جیهانێ پیر ئەکا
گوێ مەدە قەولی ڕەقیبی سەگ سیفەت قوربانی تۆم
بەدڕەوشتە حەز بە فیتنە و شۆرش و تەزویر ئەکا
ناتیقناسناوی ئەدەبیی خۆتت بە دەردێک کوشتووە شام و سەحەر
شەرحی هیجرانت بە خوێناوی دڵی تەحریر ئەکا