دڵ لە حەسرەت دووریەکەت شیوەن و گریان ئەکا
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
800 بینین
دڵ لە حەسرەت دووریەکەت شیوەن و گریان ئەکا
تیری خەمزەی چاوەکانت جگەرم بوریان ئەکا
خەنجەری دەببانی ڕەقیب گیانمی زامدار کردووە
هەر داروخانەی خوسنت چاوەڕێی دەرمان ئەکا
بۆ ئەوەندە دڵڕەقی وا من لە داخی هیجری تۆ
سەیلی ئەشکی چاوەکانم تەمسیلی سیروان ئەکا
لە دەشتی ناز و حەمزەتا ئازیز وات تۆراندووە
ئاسکی تەبعی شەککەرینم ئارەزووی کێوان ئەکا
حاڵی حازر مەزرەعەی ژینم وشکەساڵییەتی
هەر لە هەوری لوتفی تۆ تەمەننای باران ئەکا
بێرەوە سەر شەرتی جاران زاڵی فیتنەیە دەست بە ڕم
حەملەی هێناوە خەریکە قەڵای ڕۆح وێران ئەکا
بێ وەفا تۆ ڕۆژێک فەرمووت ڕامی دەستی تۆ ئەبم
کوانێ شەرتت ناتیقناسناوی ئەدەبیت جاوەڕی پەیمان ئەکا