گەشتی لالەزاری حوسنت پیرەمێرد بورنا ئەکا
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
630 بینین
گەشتی لالەزاری حوسنت پیرەمێرد بورنا ئەکا
تەلعەتی خۆری ڕوخسارت نابینا بینا ئەکا
هەی فیدای یەک مەرحەبات بێ گەنجینەی ئەشعاری من
چونکە لەفزی شەکەربات سیحری مەولانا ئەکا
ئەو خودایە هەر ئەوەندە ناسکی خولقاندویی
گەوجە ئەو کەسەی گەردنت تەشبیهـ بە مینا ئەکا
هەرکەسێ بێت و بڵێ میسلی سەرووە قامەتت
سەری دای لە بەرد کە چونکە قسەی بێ مەعنا ئەکا
تەنیا لوتفێکت بەسە بۆ منی سەوداسەرت
لێوی موشتاقم ئارەزووی ماچێکی گۆنا ئەکا
با حەپەی بێ موددەعی سەگ ئاسا گوێی پێ مەدە
ئەوە کردوویە بە پیشە دۆست بە گژ ئاشنا ئەکا
تۆ بەو نازەنینی خۆتەوە نەتلاواندمۆ دەفعەیە
بۆیە ناڵەی قەلبی ناتیقناسناوی ئەدەبی لە زیڕەی زوڕنا ئەکا