دووری
لە کتێبی:
فرمێسک و زەردەخەنە
بەرهەمی:
دڵشاد مەریوانی (1947-1989)
1 خولەک
1166 بینین
ئەو دوورییەی بە ژمارەی ڕۆژانی ژیانم داخی کردم
چاوی ئێشکگر بەرامبەر جوانی
ئەشکی پڕ خەمی ئەڕشت وەک کانی
ئاخۆ ئەشکەنجەی دڵ بۆ دووری ئەو
ژینی کرد بە تەم وەک خەیاڵ و خەو
هەڵبەتە چارە وای کرد کە دوور بێ
شادی و بەختیاری منیش زنجیر بێ
بەڵام دیدەنی لە ناو گوڵشەنا
کە گوڵ بە جوانی ئەمخاتە سەما
وا شەیدایەتی دڵەی بێ چارەم
منیش دێوانەی جوانی ئەو کارەم
دیداری یارم تاکە هیوامە
ڕۆژانی ژینم هەر بەو بەتامە