دڵی خوێناوە بولبول بۆ لەبی وەک لەعلی ڕوممانی
لە کتێبی:
دیوانی ئەحمەد موختار جاف
بەرهەمی:
ئەحمەد موختار جاف (1896-1935)
1 خولەک
588 بینین
دڵی خوێناوە بولبول بۆ لەبی وەک لەعلی ڕوممانی
لە باڵایی ئەوا پەستە قەدی سەروی گوڵستانی
بە ئیمای چاوی حاڵیی کردم ئەیفەرموو مەگەر بمری
تەنەززول کەم کە بێمە سەر مەزاری تۆ بەمیوانی
قەزا ئەم فرسەتەی دام چوومە بەر دەرگانەکەی ئەمڕۆ
سەر و ژێری زوبانی هەر جنێو بوو بۆ ڕەقیبانی
بەویش حەتتا بەخیلیم برد کە جوێنی دا بە ئەغیاری
نەسیبی من نەبوو ئەو جوێنە تا خۆم کەم بە قوربانی
وتم حاڵت چلۆنە هامجەلیست کێیە ئەو فەرمووی
دیارە هەر دڕک هاودەمیە گوڵ، بۆچ شێتی، نازانی؟
گەدایی و سواڵکەری بەر ماڵەکەی، دەستم کەوێ ڕۆژێ
خوا نەیکا کە من بیدەم بە تەخت و تاجی سوڵتانی
دڵی سەودازەدەی ئەحمەدناسناوی ئەدەبی گرفتاری کەسێکە وا
کە دی وا حەڵقەحەڵقە زوڵفەکانی کەوتە سەر شانی