ڤەژینبوکس > ئەحمەد موختار جاف > دیوانی ئەحمەد موختار جاف > ت > هەوری بەهاری بەسیە ئیتر ناڵەناڵەکەت

هەوری بەهاری بەسیە ئیتر ناڵەناڵەکەت

لە کتێبی:
دیوانی ئەحمەد موختار جاف
بەرهەمی:
ئەحمەد موختار جاف (1896-1935)
 1 خولەک  928 بینین
زمان:
کوردیی ناوەندی
قاڵب:
غەزەل
کێش:
مفعولُ فاعلاتُ مفاعیلُ فاعلن––∪/–∪–∪/∪––∪/–∪–
مضارع مثمن اخرب مکفوف محذوف
ڕاپۆرتی هەڵە
فۆنت:
هەوری بەهاری بەسیە ئیتر ناڵەناڵەکەت
گوڵ عاجزە لە گرمە و ناوچاوە تاڵەکەت
پێموت بڕێژە خوێنی دڵی عاشقت بە زار
دیسان بکە حەنایی سەری پەنجە ئاڵەکەت
حاڵی پەشێوە دڵ بە خەیاڵی دوو زوڵفی تۆ
هەروەک وەنەوشە ملکەچە بۆ تاقە خاڵەکەت
سەیری ڕەقیب کە وەک سەگە بۆ مانگەشەو بە شەو
هەر لوورەلوورییە لە فیراقی جەماڵەکەت
کونکون ببێ دڵی ئەحمەدناسناوی ئەدەبی ئەگەر دەمێ
فاریغ ببێ لە یادی خاڵ و خەیاڵەکەت