مەیلی سەیری بەدر ئەکا دڵ لادە زوڵفی وەک حیجاب
لە کتێبی:
دیوانی ئەحمەد موختار جاف
بەرهەمی:
ئەحمەد موختار جاف (1896-1935)
1 خولەک
3313 بینین
مەیلی سەیری بەدر ئەکا دڵ، لادە زوڵفی وەک حیجاب
دەرخە بەدری ڕوومەتی خۆت شۆخەکەی عالی جەناب
سینە کونکون بووم وەکوو نەی من لەبەر هیجرانی تۆ
سەر وەکوو سەمتوورە، دڵ هەر ناڵەیێتی وەک ڕوباب
تۆ دەرتخست شەمعی ڕووی خۆت کۆمەڵی عاشق هەموو
لازمە هەر وەک پەپوولە ببنە قاورمە و کەباب
لوتفی یار هەر بۆ ڕەقیبە من ڕەزام ئەو دڵبەرە
جاربەجار حەتتا بە جوێنێ بێت و بمداتۆ جەواب
لادە چارشێوت هەتا من دیدە ڕۆشن کەم بە ڕووت
بەسیەتی قوربانی تۆ بم بەس بکە ناز و عیتاب
ئەحمەدناسناوی ئەدەبیە تەنها غوڵامی موخلیسی تۆ چاوەکەم
حەیفە مەیڕەنجێنە مەیدە بێ سەبەب جانی عەزاب