زاهید وەرە ناو بەزمی حەریفانی خەرابات
لە کتێبی:
دیوانی ئەحمەد موختار جاف
بەرهەمی:
ئەحمەد موختار جاف (1896-1935)
1 خولەک
1155 بینین
زاهید وەرە ناو بەزمی حەریفانی خەرابات
لادە لە ڕیا و سەرزەنشی قۆڕ و خەرافات
یەک جورعە بنۆشە لە مەیی بێ غەش و گوڵڕەنگ
ئەسڵەن مەکە تۆ بەو پڕوپووچانە موبالات
بیستوومە وە یا دیومە لە گوفتاری ئەدیبان
بۆ خواردنی یەک قەترە دووسەد جۆرە موکافات
حوکمی ئەزەلی چونکە نییە قابیلی تەغییر
بۆ چی من ئەترسم لە جەزا و ڕۆژی حیسابات
مایل نە بە حوور و نە بە غیلمانی بەهەشتم
گەر بێت و بکەم من لەگەڵ ئەو شۆخە مولاقات
ئەحمەدناسناوی ئەدەبی دڵی بێزارە لە ئەتواری ڕیاکار
ساقی قەدەحی تێکە بە ئاهەنگ و مەقامات