برایان، ئاشنایان، دۆست و یاران
لە کتێبی:
دیوانی عەونی
بەرهەمی:
عەونی (1914-1992)
1 خولەک
682 بینین
برایان، ئاشنایان، دۆست و یاران
دەناڵێنم وەکوو هەوری بەهاران!
لە سۆزی سینە و جەرگی بڕاوم
کە خوێن سەرکا لە چاوم عەینی باران
مەکەن لۆمەم کە بێ ئارام و سەبرم
وەکوو شێت گەر بکەومە کۆهساران!
نەبینن ئێوە قەت مەرگی عەزیزان
نەکەن شێوەن لە داخی کۆچی یاران
کەسێک گەر موبتەلا بوو بەم بەڵایە
هەتا دەمرێ مەحاڵە شادی جاران
تیماری ناکرێ زامێکی سەختە،
بە سەد هاوین و زستان و بەهاران
خودایە خۆت بکە ڕەحمێ بە حاڵم
کە ڕەحمی تۆیە چارەی دەردە داران
کە دەردی مەرگ نەبوو هەرگیز عیلاجی
لە هیچ چەرخ و زەمان و ڕۆژگاران!
لە بو فرمانی حەق سەر دانەوێنە،
کە عەونیناسناوی ئەدەبی بچییە ڕیزی هەرزە کاران!