گەلاوێژ کاتێ هەڵهات نیوە شەو بوو
لە کتێبی:
دیوانی عەونی
بەرهەمی:
عەونی (1914-1992)
1 خولەک
963 بینین
گەلاوێژ کاتێ هەڵهات نیوە شەو بوو
کە چاوی مەستی ئەو شۆخە لە خەو بوو
بەیان بوو خونچە پشکووت و هوزاریش،
خەواڵوو کفت و کۆی بیداریی شەو بوو
هەناسەم زوڵفەکەی لادا لەسەر ڕوو
کە مانگ ئاوابوو ئەمجا مانگە شەو بوو
گوتم: بەختی خەواڵوو زووکە! زووکە
دەهەستە هاتنی ڕۆژت بەشەو بوو
مەگەر وا تاریک و ڕوونی بەیانە،
کە ڕۆژ هەڵهات بە بۆنهی کۆچی شەو بوو
کە ئەو ڕۆیی بزانن من نەماوم
کە بوونی من لە سایەی مانی ئەو بوو
لە ڕێی هاتا نەهات ئەمجارە عەونیناسناوی ئەدەبی
لە مەیدانی گرەو ئەسپی جدەو بوو!