یاری من نازداری من خونچەی گوڵزاری من
لە کتێبی:
دیوانی عەونی
بەرهەمی:
عەونی (1914-1992)
1 خولەک
1279 بینین
یاری من نازداری من خونچەی گوڵزاری من
خونچەی گوڵزاری من، یاری من نازداری من
شەمع و شەوی تاری من، کوڵمەو زوڵفی تووە
کوڵمە و زوڵفی تووە، شەمع و شەوی تاری من
ماهی دە و چواری ڕەونەقی ئەنجوم دەبا
ڕەونەقی ئەنجوم دەبا، ماهی دە و چواری من
دەفتەری ئەشعاری من، تەعنە لە حافز دەدا
تەعنە لە حافز دەدا، دەفتەری ئەشعاری من
لەو دڵی بیماری من، خەنجەری موژگانی تۆ
خەنجەری موژگانی تۆ، لەو دڵی بیماری من
بەسیە توخوا یاری من، میحنەت و جەور وجەفا
میحنەت و جەور و جەفا، بەسیە توخوا یاری من
ئەو بتی فەر خاری من سەجدە بە عەونیناسناوی ئەدەبی دەبا
سوجدە بە عەونی دەبا، ئەو بتی فەرخاری من