ڤەژینبوکس > عەونی > دیوانی عەونی > لە دووریی تۆ دڵی زارم ئەگەر زاری نەکا چ بکا

لە دووریی تۆ دڵی زارم ئەگەر زاری نەکا چ بکا

لە کتێبی:
دیوانی عەونی
بەرهەمی:
عەونی (1914-1992)
 1 خولەک  2243 بینین
زمان:
کوردیی ناوەندی
قاڵب:
غەزەل
کێش:
مفاعیلن مفاعیلن مفاعیلن مفاعیلن∪–––/∪–––/∪–––/∪–––
هزج مثمن سالم
ڕاپۆرتی هەڵە
ڕەوشی پێداچوونەوە:
یەک کەس پێیدا چووەتەوە
دوایین پێداچوونەوە:
2020/05/10 - 19:34
دانران:
2020/05/10 - 19:34
فۆنت:
لە دووریی تۆ دڵی زارم ئەگەر زاری نەکا چ بکا
لە چاوان خوێن وەکوو دیجلە و فورات جاری نەکا چ بکا
وەکوو بولبول بە شین و ناڵە گوڵشەن گەر نەشێوێنێ
لە دەستی باغەوان شەکوا لە بەدکاری نەکا چ بکا
لە شامی پەرچەمت گەر شەمعی ڕوخسارت بگیرسێنی
وەکوو پەروانە دڵ گەر مەشقی دڵداری نەکا چ بکا
لە گۆشەی بێکەسیدا بێئومێد و بێ ئەمەل ماوە
لە ژین بێزارە داوای مەرگی یەکجاری نەکا چ بکا
کەسێ گەر بەستەیی زولفی کەمەندی یاری شیرین بێ
وەکوو فەرهاد لە بێستوون کۆهکەن کاری نەکا چ بکا
گوتی: عەونیناسناوی ئەدەبی ئەگەر بێ باخەوان باخی سینەم بێ
بە نارنج و تورنج و سێو و بێ یاری نەکا چ بکا!